الخميس، 20 نوفمبر 2008

تاج .. السعــادة

إ









الأول بس كدة .. نشرب واحد آيس كوفي عشان نعرف نفوق و نفكر ..
قبل أي حاجة .. كلكم وحشتوني .. عارفة اني مقصرة معاكم جدا .. و مع كل الناس اللي غاليين عليا :)
معلش الظروف متلخبطة عندي اوي .. الشغل كتير بارجع متاخرة جدا .. مش بالاقي وقت اقعد اونلاين و اشوف البلوجات و التعليقات ..
و اتابعكم .. في اخر التاج في هدية ليكم .. عشان خاطر السـعادة بس :)


و بعدين ياللا على التاج اللي جاي من محمد.. صاحب مدونة البحث عن السعادة .






السؤال الأول: ماهى السعادة من وجهة نظرك؟



نتفق على حاجة مهمة ..



مفيش حاجة اسمها السعادة :)

السعادة دي مفهوم مستحدث وهمي جداً..

اخترعوه الناس للوصول إلى حالة من الكمال .. و دة مش موجود في الدنيا ..

الحاجة الوحيدة اللي ممكن نوصل لها في الدنيا هي الرضا .. مش السعادة ..!!

في ناس كتير ضيعت عمرها عشان السعادة و فضلوا تعساء برضه !!

و خسروا دينهم و دنياهم ..

ممكن لحظات الفرح الناتجة عن النجاح او الحب او كدة الممزوجة بالرضا الناس بتقول عليها سعادة .. بس هي فرح مش سعادة :)


السؤال الثانى: كيف تصل إلى السعادة؟
ممكن نصل إلى الرضـــــــا و ليس السعادة :)


الرضا نصل إليه بالقناعة و الإيمان .. فقط .. !


القناعة و الإيمان مش بالسهولة اللي الناس ممكن تفتكرها ، دة من قلة وجود الاتنين .. ناس كتير ضاعت في رحلة البحث عن السعادة .


السؤال الثالث: هل السعادة وهم أم أنها حلم صعب؟


مش قلنا مفيش حاجة اسمها سعادة ؟؟
في رضـــــــــــا ..
السعادة دي وهم .

السؤال الرابع : هل السعادة طريق للنجاح ؟وضح؟


الطموح طريق للنجاح ..
السعادة اللي بيتقال عليها دي مالهاش دعوة بأي حاجة أصلاً و لا هي موجودة أساساً .

السؤال الخامس: ماهى أكثر اللحظات التى شعرت فيها بالسعادة؟


ممكن نقول لحظات الفرح .. أوكي ؟؟


لما باتميز في شغلي و بانجح أكتر من التانيين :)


لما بأخرج مع بابا نشرب قهوة او نقعد في كافيه ..


لما باتكلم مع أحمد أخويا .. و لما نخرج مع بعض .. نروح السينما و نتعشى برة ..


و في رمضان .. بابقى فرحانة جدا جدا جدااااااااااااااا ..


مفيش حاجة تانية .. و لو قلت ان في حاجة تانية بسطتني او كدة .. لأ مفيش :)


السؤال السادس:هل ممكن أن تحقق كل شىء؟

مش احنا اللي بنحقق .. احنا بنسعى بس :)


و ربنا هو اللي بيوفق .. و كله خير .



السؤال السابع: السعادة تجعلك تقبل على الحياة أم لا؟


الدنيا أهم بكتير من رحلات البحث عن السعادة التي يقودها الفاشلون .. !

الدنيا ساااااعة.. فاجعلوها طاااااااااااااعة :)

ماتبقوش زي الناس اللي سارقاهم السكينة .. !


السؤال الثامن: هل أحسست يوما انك وصلت لقمة السعادة؟


مافيش حاجة اسمها كدة .. كل المصطلحات دي مجموعة أوهام .. مافيش لا قمة و لا قاع !!


السؤال التاسع: لماذا تمر أوقات السعادة بسرعة؟


الدنيا كلها بتمر بسرعة .. !


سعادة ايه بس .. مفهومنا للحياة المفروض يكون واسع اوي عن كدة !!




السؤال العاشر: هل ترى السعادة فى التدين؟


لا تستقيم الحياة بغير دين ..!! بغض النظر عن السعادة !!


قال تعالى :


" وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى "




السؤال الحادى عشر: هل أنت متفاؤل وعندك أمل؟ وضح؟


هي متفائل مش متفاؤل :)


إن الله عند ظن العبد به .. إن خيراً فخير و إن شراً فشر ..!!


أعتقد دي واضحة يعني ..!



السؤال الثانى عشر: إذا شعرت بالحزن ماذا تفعل؟
أصلي .. أقرأ قرآن .. أحاول أخرج من الشعور دة بالشعور بأن الله معي .. و كله بيتغير .

السؤال الثالث عشر: هل يستمر معك الحزن فترة ام ينقضى فى الحال؟
بعد الصلاة و الشعور بمعية الله و القرب من الله اي احساس بيختفي .. سبحان الله العظيم .. سبحانه :)


السؤال الرابع عشر: ما رأيك فى الأفراد المتشائمين؟
فاشلين اساساً :)
الدنيا مش تشاؤم تشاؤم تشاؤم .. و لا تفاؤل تفاؤل تفاؤل ..
العمل و الايمان و التوكل على الله .. و التوفيق من عند الله ..
لكن التقسيمات بتاعت متفائل و متشائم دي انا مش معاها اصلا ..!


____________

هذه .. إليــــــــكم .. :)

almost a whisper