قهوة بالفانيليا: قبل أن يعرف أحد..

الأربعاء، 23 يوليو 2008

قبل أن يعرف أحد..

أذكر اسم من طلب منك حل هذا الواجب

طلبت مني الغالية د. أسماء علي أن أحل هذا الواجب ..

أذكر القوانين المتعلقة بهذا الواجب

القانون الأول .. ألايغضب أحد مني .. فلست قديسة !!

القانون الثاني .. الاجابة هنا اعتمدت على انني أنا .. فقط !!

القانون الثالث ..

تحدث عن ستة أسرار قد لا يكتشفها من يقابلك للمرة الأولى

السر الأول : حساسة و رومانسية و سريعة البكاء جداً .. ممكن أي حاجة صغيرة أوي تخليني أفضل أعيط أعيط أعيط ..!! ممكن اشوف مشهد في فيلم أعيط .. كل ما اشوف فيلم Legend of Falls أقعد أعيط برضه .. و لما باشوف الافلام الكلاسيكية القديمة .. لما شوفت فيلم Dying Young و كل ما باشوفه .. يعني ..:) !!

السر الثاني : طيبة و حنونة جداً .. ببذل كتير عشان اللي حوليا.. هو دة مش دايما صح و مش دايما بينجح لأني باتفانى احياناً في مواضع لا تستحق التفاني يعني .. !! و كريمة جدا جدا .. بحب الهدايا .. بحب اشتريها .. مش لازم اخد .. بس لازم ادي :)

السر الثالث : ذكية .. !! أذكى مما قد يظن الآخرون بكثيـــــــــر ... !! و دقيقة اوي اوي اوي.. يعني دة ممكن يكون ناتج عن طبيعة شغلي.. باهتم بالتفاصيل و الدقائق جدا.. و ماحبش حاجة تبقى مش متخططة او مش مترتبة بشكل صح.. مابحبش الاهمال و لا الفوضى .

السر الرابع : باكره اللون الأخضر .. باكرهه جدا جدا جدا جدا.. اللون الاخضر دة عشان الزرع مش عشان نلبسه !! و بحب اللون الأسود و الأزرق ..جداً.

السر الخامس : عنصرية بعض الشيء لاعتبارات شخصية .. ربما لها وزن بطريقة ما .. لأن المواقف السيئة بتخليني أفقد العدل أحياناً لاحساسي بالظلم و دة مش صح .. و عارفة ان دةعيب من عيوبي .. دة ناتج برضه عن استخدام العاطفة عن العقل .. دة مش كويس .

السر السادس : باحب الايس كريم الايطالي جدا جدا .. بحب القهوة بالفانيليا .. بحب الشمس و السما الصافية .. بحب البيانو .. بحب الكتابة بحب الشعر .. مش بحب الكذب مش بحب النفاق مش بحب مداراة الحقايق .. باحترم الصدق جدا .. بحب الليل على البحر .. عصبية جدا جدا لو حاجة طلعت كذب او غلط او مش حقيقية .

أرسل الواجب إلى ستة مدونين مع ذكر أسمائهم و روابط مدوناتهم في الموضوع .

سيتم إرسال الواجب إلى :

أحمد علي .. صاحب مدونة Days of My Life

http://7amo2a.blogspot.com/

سمر .. صاحبة مدونة واحدة شبهي ..

http://abrokentoy.blogspot.com/

ميرو .. صاحبة مدونة كراكيب ..

http://krakeeb-miro.blogspot.com/

يوما .. جارة النجوم ..

http://youma-youma.blogspot.com/

الجميلة إليساندرا ..

http://lyssandra-lyssandra.blogspot.com/